Khua bruă Đảng ƀuôn prŏng Viên Gia Quân bi êdah kleoi hơ̆k mơak dưi tŭ drông khua phŭn bruă Tô Lâm leh anăn Êpul bi ala gưl dlông  Phŭn bruă kahan ksiêm Việt Nam nao čuă Trùng Khánh. Khua phŭn bruă Tô Lâm brei thâo, thŭn 2015, adŭ bruă mtrŭt mđĭ klei mnia mblei tal êlâo mơ̆ng Việt Nam dưi mdưm ti Trùng Khánh.

Khua phŭn bruă mñă kơ 2 tĭng mđĭ hĭn klei bi mguôp, mđĭ boh tŭ dưn klei ngă bruă hlăm dŭm mta msĕ si bruă duh mkra, mnia mblei. Ară anei kahan ksiêm ƀuôn prŏng Trùng  Khánh hŏng kahan ksiêm dŭm alŭ wăl Việt Nam mâo lu mta klei bi mguôp leh anăn mâo boh tŭ dưn hlăm djăp mta bruă. Khua phŭn bruă Tô Lâm bi êdah klei hmăng hmưi leh anăn mñă kơ khua gĭt gai ƀuôn prŏng Trùng Khánh lŏ dơ̆ng mkŏ mjing klei găl kơ anôk bruă hdră bhiăn mđĭ hĭn klei bi mguôp hŏng dŭm anôk bruă, alŭ wăl mơ̆ng Việt Nam.