Khua phŭn bruă Tô Lâm bi êdah klei đăo knang, phung khua bi ala Việt Nam ti ala tač êngao srăng mđĭ lar jăk bruă klam, jing kban mkŏ čiăng mđĭ kyar klei bi hgŭm bruă hŏng tač êngao Việt Nam hŏng dŭm ala čar, mđĭ kơhưm Việt Nam hlăm dlông rŏng lăn leha anăn jing anôk jưh kjăp mơ̆ng êpul êya mnuih Việt Nam ti ala tač êngao.

Khua phŭn bruă Tô Lâm bi mni kơ klei mđing dlăng, bi hgŭm kjăp mơ̆ng Phŭn bruă hŏng tač êngao kơ klei bi hgŭm lu ala čar mơ̆ng Phŭn bruă kahan ksiêm hlăm wưng êgao; bi mklă bruă hŏng tač êngao mơ̆ng kahan ksiêm hlăk lŏ dơ̆ng mlih mrâo, dưi mâo lu klei tŭ; čang hmăng Phŭn bruă hŏng tač êngao leh anăn phung khua bi ala, khua anôk bruă bi ala Việt Nam ti ala tač êngao lŏ dơ̆ng mđing dlăng, đru kơ Phŭn bruă kahan ksiêm pŏk mlar klei bi hgŭm lu ala čar.