Khua phŭn bruă Tô Lâm drông čhưn khua knơ̆ng Êpul gơ̆ng bruă răng mgang klei êđăp ênang Japon
Thứ ba, 13:42, 07/03/2023
VOV Tây Nguyên
VOV Tây Nguyên
VOV4.Êđê- Ti Hà Nội, Khua phŭn bruă kahan ksiêm Tô Lâm drông čhưn leh khua knơ̆ng Êpul gơ̆ng bruă răng mgang klei êđăp ênang Japon Akiba Takeo hlăk mâo gưl hriê čhưn lehanăn mă bruă ti Việt Nam.
Ti anôk drông, khua phŭn bruă Tô Lâm lač, leh klei ruă tưp COVID-19, Phŭn bruă kahan ksiêm Việt Nam răng mgang leh kjăp klei êđăp ênang yang ƀuôn, kơrŭ wĭt bruă duh mkra mâo klei đĭ kyar, mđing hĭn êdi jing mđĭ kyar bruă lŏ hma doh, mkra mjing boh mnga bruă lŏ hma, ngă bruă bi mlih mrô dŭm anôk bruă tuh tia mkra mjing, anăn ăt jing djăp mta bruă mâo klei găl kơ Japon duh bi liê ti Việt Nam.
Čiăng lŏ bi hgŭm jăk hĭn, lehanăn mâo klei tŭ dưn sĭt êmĭt. Khua phŭn bruă Tô Lâm čang hmăng hlăm wưng kơ anăp dua nah mâo klei bi đru, trông čhai lu hin hgŭm bi đru kơ bruă kiă kriê. Lehanăn akâo mơh kơ Japon đru hlăm dŭm bruă răng kriê klei êđăp ênang mơ̆ng Êpul hgŭm lu ala čar, hŏng kahan ksiêm Việt Nam./.
Viết bình luận