Khua phŭn bruă Tô Lâm bi mklă, Việt Nam dlăng nanao Mi jing sa hlăm dŭm ƀĭng hgŭm yuôm bhăn mrô sa, brei thâo bruă čuăl mkă, pŏk ngă dŭm hdră êlan, hdră kčah hdră bhiăn mơ̆ng Việt Nam rơ̆ng djŏ guôp hŏng klei tŭ dưn, dŭm klei čiăng lu ala čar leh anăn jar hdră bhiăn Việt Nam.

Hlăm anăn, bruă rơ̆ng klei dưi kơ mnuih mă bruă rơ̆ng hlue ngă djŏ hdră kčah mơ̆ng Êpul bruă mnuih mă bruă lu ala čar; bruă ba jao mrô găn knông lăn rơ̆ng klei đăo knang leh anăn êđăp ênang. Čiăng mjing tur knơ̆ng, mđĭ hĭn bruă bi hgŭm bruă duh mkra - mnia blei - bi liê plah wah dua ala čar hlăm wưng kơ anăp, Khua phŭn bruă Tô Lâm mtă Anôk bruă bi ala mnia blei Mi lŏ dơ̆ng mđĭ lar bruă klam jing kban mkŏ yuôm bhăn plah wah Knŭk kna dua ala čar čiăng mđĭ klei bi hgŭm kluôm Việt Nam- Mi.