Khua phŭn bruă Tô Lâm kkuh čhưn hŏng khua knŭk kna Dhŭng Korea Han Duck Soo
Thứ bảy, 09:23, 08/04/2023
VOV Tây Nguyên
VOV Tây Nguyên
VOV4.Êđê-Hlăm klei nao čhưn kơ Dhŭng Koréa tui si klei jak iêo mơ̆ng anôk bruă hdră bhiăn Dhŭng Korea, tlam mbrue, Đại tướng Tô Lâm, Khua phŭn bruă kahan ksiêm lehanăn êpul khua êmua gưl dlông phŭn bruă kahan ksiêm nao kkuh čhưn leh hŏng khua knŭk kna Dhŭng Korea Han Duck Soo.
Ti anăn, Khua knŭk kna Han Duck Soo bi mni klei bi mguôp kluôm dhuôm plah wah dua ala čar, hlăm anăn mđĭ klei bi mnia mblei dua nah đĭ kyar hĭn.
Thŭn dih, mâo leh êbeh 700 êbâo čô mnuih Dhŭng Korea hriê duh mkra mnia mblei ti Việt Nam. Khua phŭn bruă Tô Lâm lač jăk kơ khua knŭk kna Han Duck Soo pioh leh mmông drông êpul, lehanăn lač, Việt Nam yap Dhŭng Korea jing ala čar hgŭm yuôm bhăn hlăm bruă duh mkra, bruă kđi čar, lehanăn răng mgang klei êđăp ênang. Hlăm anăn bruă răng mgang klei êđăp ênang dua nah sa ai hŏng hdră êlan êđăp ênang ti alŭ wăl lehanăn tar rŏng lăn, hlăm anăn mâo wăt kjhôč ksĭ Korea./.
Viết bình luận