Blŭ hlăm knăm mtrŭt mjhar, Khua phŭn bruă Tô Lâm mñă klă, sa ai hŏng klei iêo mthưr mơ̆ng khua gĭt gai Hồ Chí Minh, jih jang mnuih ƀuôn sang hgŭm hlăm “Tết pla ana kyâo” tal êlâo hlăm Tết Nguyên đán Canh Tý 1960. Mơ̆ng anăn truh kơ ară anei, Knăm pla ana kyâo klă klơ̆ng dưi ba wĭt boh tŭ dưn prŏng kơ ala čar leh anăn jing sa knhuah gru jăk siam mơ̆ng mnuih ƀuôn sang drei hlăm wưng tết hriê, yan mnga truh.

Yap truh kơ ară anei, Phŭn bruă kahan ksiêm dưi pla leh 5 êklăk phŭn kyâo mtah, hlăm anăn mâo 2 êklăk phŭn dưi pla ti dŭm anôk bruă kahan ksiêm, alŭ wăl leh anăn 3 êklăk phŭn dưi pla hlăm dŭm sang mnă mơ̆ng Phŭn bruă kahan ksiêm kriê dlăng. Lŏ sa ai hŏng klei iêo mthưr mơ̆ng Khua gĭt gai Hồ Chí Minh kơ bruă ksiêm dlăng, răng mgang, pla ana kyâo, pla dliê, mbĭt hŏng ala čar, sa ai, hrăm mbĭt pla mrâo 1 êklai phŭn kyâo mtah wưng thŭn 2021 – 2025, hŏng klei hưn “Kyua sa Việt Nam mtah”.