Tŭ drông Ogata Yoshimi leh anăn êpul bi ala Anôk bruă kahan ksiêm ala čar Japon hriê ti Việt Nam nao hgŭm hlăm klei kƀĭn trông anei, Khua phŭn bruă Tô Lâm mñă klă, Klei blŭ hrăm kơ klei êđăp ênang gưl k’iăng Khua phŭn bruă Việt Nam – Japon gưl tal 7 dưi mkŏ mjing leh klei găl kơ phung thơ̆ng kơ bruă klei êđăp ênang, kahan ksiêm Phŭn bruă kahan ksiêm Việt Nam leh anăn Anôk bruă kahan ksiêm ala čar Japon bi trông klă nik, wĭt lač kơ dŭm boh klei 2 tĭng mâo klei uêñ mĭn.

Khua Phŭn bruă Tô Lâm mñă kơ dŭm anôk bruă djŏ tuôm mơ̆ng phŭn bruă kahan ksiêm Việt Nam leh anăn Anôk bruă kahan ksiêm ala čar Japon hlăm wưng kơ anăp srăng kñăm hluê ngă tŭ dưn bruă mgaih msir dŭm boh klei phung ngă soh mâo hlăm klei bi mguôp 2 ala čar ƀrư̆ hruê ƀrư̆ kluôm êlam, rơ̆ng klei êđăp ênang ala čar, klei êđăp ênang yang ƀuôn, răng mgang kluôm klei dưi leh anăn boh tŭ djŏ hŏng klei bhiăn kơ mnuih ƀuôn sang, dŭm knơ̆ng bruă Việt Nam leh anăn Japon ti grăp ala čar.