Ti anôk bi kƀĭn, phung mgơ̆ng asei hưn mdah hdră ngă bruă, kƀĭn hlăm klei čih mkra hdră bhiăn, mđĭ ksiêm dlăng, kčĕ hdră msir mđĭ kyar bruă duh mkra- ala ƀuôn, mkra mlih hră mơar, đru kơ anôk bruă duh mkra leh anăn mđĭ klei hdĭp mda mnuih ƀuôn sang. Phung mgơ̆ng ruah bi mklă tơdah mâo đăo knang srăng ngă djăp ênŭm bruă klam phung bi ala kơ mnuih ƀuôn sang, kriê pioh klei bi hgŭm jêñ jêñ hŏng phung bi ala kơ mnuih ƀuôn sang, lač kơ klei mĭn kpă mngač, klei čang hmăng djŏ klă mơ̆ng mnuih ƀuôn sang hŏng Bruă kƀĭn ala.

K’iăng Khua bruă kƀĭn ala Nguyễn Khắc Định mñă klă, tơdah mâo phung bi ala kơ mnuih ƀuôn sang đăo knang srăng lŏ dơ̆ng đru mguôp klei thâo hlăm bruă čih mkra  hdră bhiăn, ktuê dlăng leh anăn bi mklă kơ bruă klam yuôm bhăn mơ̆ng lăn čar, rơ̆ng klei dưi leh anăn klei tŭ dưn djŏ hdră bhiăn mơ̆ng mnuih ƀuôn sang.