47 thŭn êgao, lŏ čuê leh anăn bi lar knhuah gru lĭng kahan Trường Sơn, Binh đoàn 12- anôk ngă bruă ti krĭng kwar krah ngă jăk bruă bi rai bom, boh mtuh leh anăn pŏk phai klei mnia mblei. Anôk bruă nao hgŭm ngă bruă leh anăn bi leh dŭm bruă mkŏ mkra êlan klông, knơ̆ng kdơ̆ng êa hlăm djăp krĭng kwar ala čar, rơ̆ng djŏ hruê mmông, hnơ̆ng tŭ jăk, êđăp ênang leh anăn tŭ dưn.

Hlăm mmông mă bruă, k’iăng khua bruă Kƀĭn ala Trân Quang Phương mtă kơ phung knuă druh, lĭng kahan Binh đoàn 12 hyuă kjăp bruă klam kđi čar mơ̆ng knơ̆ng gĭt gai lĭng kahan gưl dlông jao leh, mă bruă knuă leh anăn mprăp klei bi blah. Ară anei, Đảng, knŭk kna, mnuih ƀuôn sang đăo knang jao kơ Binh đoàn 12 hluê ngă đa đa bruă mkŏ mkra ala čar kñăm. K’iăng khuă bruă kƀĭn ala mtă kơ Binh đoàn 12 srăng bi leh jăk bruă klam, amâo mâo brei mâo klei soh. Hlăm klei ngă bruă klam, srăng mđing kơ hnơ̆ng tŭ jăk bruă mkŏ mkra, tĭng mkă kơ klei kjăp sui.