Tlam mbruê (21/8), ti Sang bruă kƀĭn ala, K’iăng khua bruă kƀĭn ala Trần Thanh Mẫn – Khua anôk bruă mkŏ mjing Klei bi kƀĭn phung nghị sĩ mda asei tar rŏng lăn tal 9, gĭt gai leh klei kƀĭn hŏng Anôk bruă mkŏ mjing lehanăn dŭm anôk bruă djŏ tuôm ksiêm dlăng hdră mprăp kơ Klei bi kƀĭn. K’iăng khua bruă kƀĭn ala Trần Thanh Mẫn mñă, Klei kƀĭn phung nghị sĩ mda asei tar rŏng lăn tal 9 mơ̆ng Êpul hgŭm bruă kbĭn ala tar rŏng lăn IPU mâo Anôk bruă kƀĭn ala Việt Nam mkŏ mjing jing hdră hŏng tač êngao yuôm bhăn mơ̆ng Đảng, Knŭk kna drei hlăm thŭn anei.

Anei jing bruă klam kđi čar prŏng, čiăng kơ dŭm phŭn, dhar bruă hluê ngă jăk hdră mprăp kơ klei bi kƀĭn, kñăm mjing gru kruăk jăk siam hlăm ai tiê phung bi ala nao ti Klei bi kƀĭn kơ pŏk rup, anak mnuih Việt Nam; hdră tŭ drông – dŭm bruă nah tluôn brei mprăp djăp ênŭm. Knŏng êbeh 20 hruê srăng mkŏ mjing Klei bi kƀĭn, wưng mprăp amâo sui, K’iăng khua bruă kƀĭn ala Trần Thanh Mẫn mtă kơ dŭm anôk bruă djŏ tuôm mđĭ lar ai tiê đua klam, pŏk ngă kjăp bruă klam mâo kčah jao./.