Mơ̆ng anăn hrue 2/1, Nghiêm mơĭt leh hră akâo mdei truh kơ anôk bruă Đảng čar Daklak, Knơ̆ng bruă sang čư̆ êa čar Daklak lehanăn knơ̆ng bruă duh mkra mnia mblei, hưn mthâo klei čiăng wĭt mdei êlâo kơ jih thŭn mă bruă. Hlăm hră čih, ñu lač, dăl hlăm 40 thŭn dôk mă bruă mâo ngă hlăm lu mta bruă, lehanăn dưi bi leh jăk bruă knuă.

Đăo knang hŏng hdră êlan, klei bhiăn mơ̆ng Đảng knŭk kna, kñăm găl ênưih hlăm bruă bi hrŏ ênoh mnuih mă bruă hŏng klei khuăt, snăn ñu akâo mdei êlâo kơ jih thŭn mă bruă, jing leh klei bi mklă hŏng klei djŏ bruă wĭt mdei anei. Khua knơ̆ng kiă kriê bruă knuă čar Daklak lŏ mñă klei Nguyễn Văn Nghiêm akâo wĭt mdei êlâo kơ jih thŭn, jing leh sa klei bi klă hŏng klei êngiê, lehanăn ăt đru kơ anôk bruă mâo klei găl hĭn hlue ngă hdră êlan mơ̆ng gưl dlông hlăm bruă dăp wĭt mnuih mă bruă./.