Mơ̆ng bruă ktuê dlăng dŭm anôk klưh hroh lăn mjêč ti 5 čar hlăm krĭng dap mnai krông Cửu Long ăt msĕ mơh đa đa alŭ wăl krĭng Yŭ Dưr leh anăn dŭm anôk ti Lăn Dap Kngư, brei ƀuh klei brei msir mgaih mjêč dŭm krĭng klưh hroh lăn.

K’iăng Khua knŭk kna Lê Minh Khái bi mni kơ 13 alŭ wăl krĭng dao mnai krông Cửu Long leh anăn dŭm phŭn, dhar bruă mâo klei kčĕ msir mgaih boh jhat klưh hroh lăn hang krông, hang ksĭ kyua klei bi mlih yan adiê, hmăi kơ bruă duh mkra - ala ƀuôn. K’iăng Khua knŭk kna Lê Minh Khái mñă klă:  Hŏng boh klei mjêč mơ̆ng bruă msir mgaih klei klưh hroh, dŭm alŭ wăl, phŭn, dhar bruă pral ktuê dlăng, bi hgŭm, kčĕ anăn hdră bruă msir mgaih hang krông ti 13 čar, ƀuôn prŏng krĭng dap mnai krông Cửu Long pral hĭn, hmao, djŏ guôp hŏng hdră kčah hdră bhiăn, ai tiê phŭn, hnưm pŏk ngă hlăm boh sĭt.