Bi trông hlăm klei kƀĭn, khua gĭt gai dŭm Phŭn dhar bruă gưl lông lač, dŭm mlan akŏ thŭn klei mkăp brei mnơ̆ng dhơ̆ng dưi rơ̆ng kjăp, ênoh ênil mâo klei hơĭt, djŏ hŏng hdră mkra mlih ênoh ênil mơ̆ng êpul gĭt gai ba mdah leh. K’iăng Khua knŭk kna Lê Minh Khái mtă kơ dŭm phŭn, dhar bruă, alŭ wăl hluê ngă tŭ dưn leh anăn mbruă hŏng bruă klam bi kna, bi hơĭt ênoh dŭm mta mnơ̆ng dhơ̆ng knŭk kna kriê dlăng.

Rơ̆ng kơ klei mkăp brei mnơ̆ng dhơ̆ng, mprăp ênŭm mnơ̆ng dhơ̆ng kơ klei čiăng blei ba yua mơ̆ng mnuih ƀuôn sang, boh nik jing mnơ̆ng ƀơ̆ng huă leh anăn dŭm mta mnơ̆ng yua mjêč, boh nik hlăm klei ba yua đĭ lu hlăm dŭm wưng thŭn mrâo, knăm mơak. Dŭm alŭ wăl čŏng pô hluê ngă bruă kriê dlăng dŭm mta mnơ̆ng dhơ̆ng hluê si klei dưi, mđĭ hĭn klei ksiêm dlăng, ktuê dlăng bruă hluê ngă dŭm hdră hưn mdah ênoh, bi klă ênoh, ba mdah klei hưn kơ ênoh.