K’iăng Khua knŭk kna Lê Minh Khái brei thâo, mlan êlâo ñu leh anăn k’iăng Khua knŭk kna Dhŭng Korea Kyungho Choo hrăm mbĭt gĭt gai leh klei blŭ hrăm kơ klei bi mguôp bruă duh mkra gưl k’iăng Khua knŭk kna Việt Nam – Dhŭng Korea gưl tal 2. Dua tĭng bi trông leh anăn tŭ ư kơ lu mta phŭn yuôm bhăn čiăng mtrŭt mđĭ klei bi mguôp bruă duh mkra 2 ala čar.

K’iăng Khua knŭk kna Lê Minh Khái đăo knang, hŏng klei thâo pô, NACF srăng bi mguôp hŏng knŭk kna Việt Nam đru mđĭ kyar bruă lŏ hma, krĭng ƀuôn sang, hluê anăn mđĭ mđĭ kyar bruă duh mkra ala ƀuôn Việt Nam. K’iăng Khua knŭk kna Lê Minh Khái leh anăn khua kiă kriê Lee Sung Hee ăt bi trông kơ dŭm mta phŭn djŏ tuôm hŏng bruă mkŏ mjing knăm mnia mblei boh mnga bruă lŏ hma ti Pusan, klei ngă bruă mơ̆ng knơ̆ng bruă NH Bank ti Việt Nam, mđĭ hĭn klei mnai mblei mnơ̆ng dhơ̆ng, boh mnga bruă lŏ hma 2 tĭng…kñăm mtrŭt mđĭ klei mjĕ giăm 2 ala čar hlăm klei bi mguôp êpul hgŭm bruă đĭ kyar klă klơ̆ng, mâo boh tŭ dưn hĭn hlăm wưng kơ anăp.