K’iăng Khua knŭk kna Nguyễn Hoà Bình nao ksiêm dlăng alŭ wăl mĭn tĭng duh bi liê hlăm bruă mkra mđĭ êdeh phiơr ti tač êdeh phiơr prŏng Vân Đồn (kdriêk Vân Đồn, čar Quảng Ninh). K’iăng Khua knŭk kna mñă kơ dŭm phŭn, dhar bruă, bruă sang čư̆ êa čar Quang Ninh bi mguôp kjăp hŏng phung duh bi liê čiăng rơ̆ng kơ klei ngă bruă mơ̆ng dŭm hdră, hluê anăn iêo jak phung duh bi liê mơ̆ng ala tač êngao čiăng nao hgŭm hlăm bruă mkra bi kjăo, mkra mđĭ êdeh phiơr ti tač êdeh phiơr prŏng Vân Đồn.

Hluê anăn, êpul ngă bruă nao ksiêm dlăng đa đa hdră mkăn ti alŭ wăl, msĕ si hdră duh bi liê rŭ mjing wăl lu bruă hiu čhưn ênguê, anôk mdei msăn, hlăp mblul (mâo wăt casino, sang lăn, sang jưh, sang mdei prŏng, resort…) ti să Vạn Yên, kdriêk Vân Đồn mơ̆ng êpul grŭp Sun Group jing pô duh bi liê. Leh hmư̆ klei hưn kơ klei kpăk gun ăt msĕ mơh bi êdah hdră êlan duh bi liê mơ̆ng pô duh bi liê mbĭt hŏng bruă sang čư̆ êa čar Quang Ninh, k’iăng Khua knŭk kna Nguyễn Hòa Bình jao kơ dŭm Phŭn, dhar bruă bi kƀĭn, hưn mdah, đru kčĕ hŏng knŭk kna hnưm mâo hdră êlan ruh mgaih hlăm wưng hnưm hĭn.