Tui si klei bi klin leh, čar Lâm Đồng mâo 134 mta bruă dôk hlăm klei dleh dlan, gun kpăk hlăm bruă mghaih msir truh êbeh 13.489 ha lăn, hŏng eneoh duh bi liê êbeh 116 êbâo êklai prăk. Truh ară anei, čar Lâm Đồng mâo ngă leh dŭm hdră mtrŭn, asăp mtrŭn mơ̆ng Khua knŭk kna, klah čŭn klei blŭ K’iăng khua knŭk kna Nguyễn Hòa Bình čih pioh dŭm klei gĭr mơ̆ng čar Lâm Đồng hlăm bruă ruh mgaih jih jang klei dleh dlan, bi êdah klă Lâm Đồng čiăng lŏ mâo klei bi hgŭm hŏng dŭm phŭn dhar bruă, pral mghaih msir klei anăn.

K’iăng khua knŭk kna Nguyễn Hòa Bình lŏ mtă lehanăn mâo klei kiă kriê kjăp mghaih msir dŭm klei awăt êdu, bi mklă dŭm mta bruă dôk dleh, ksŭn mơ̆ng sui ka leh hlăm čar Lâm Đồng mghaih msir mtam jih jang klei dleh dlan anăn./.