Hưn mdah hlăm mmông mă bruă, Khua dhar bruă djuê ana Hầu A Lềnh brei thâo, bruă djuê ana leh anăn hluê ngă hdră êlan djuê ana hlăm wưng êgao dưi mâo mă lu boh tŭ dưn yuôm bhăn kơ bruă kđi čar, bruă duh mkra, dhar kreh, ala ƀuôn, bruă lĭng kahan, răng mgang klei êđăp ênang, bruă hŏng tač êngao, dưi iêo jak klei bi mguôp djuê ana đru hlăm bruă mkŏ mjing leh anăn răng mgang lăn čar.

Bi klă hlăm mmông mă bruă, k’iăng knŭk kna Nguyễn Hòa Bình mñă hlăm wưng kơ anăp Dhar bruă djuê ana bi mguôp kjăp hŏng dŭm phŭn dhar bruă djŏ tuôm čiăng ngă hmar, djŏ wưng kčah dŭm hdră êlan kơ krĭng mnuih djuê ƀiă leh anăn krĭng čư̆ čhiăng. Čiăng bi ênưih dŭm hră mơar, ênưih mă yua hlăm dŭm hdră. Hlăm bruă dăp ai dưi kơ hdră, čiăng mâo klei uêñ mĭn hŏng krĭng mnuih djiê ƀiă leh anăn krĭng čư̆ čhiăng.