Ti anôk bi kƀĭn anăn, phung bi ala dŭm phŭn dhar bruă mâo leh klei trông čhai kơ hdră êlan mđĭ kyar bruă duh mkra ala ƀuôn, hlue ngă jih jang bruă mơ̆ng Êpul gơ̆ng kiă kriê krĭng lăn dap kngư thŭn 2024 lehanăn čoh čuăn hdră mă bruă thŭn 2025. lehanăn mâo klei mtă kơ hdră êlan mă bruă mghaih msir bi jih klei dleh dlan kơ êlan klông hlăm krĭng ƀuôn sang, ngă mtam jih jang bruă adôk ka leh, kñăm mkŏ êlan klông mơ̆ng krĭgn ƀuôn sang truh hŏng djăp alŭ wăl. Mđing kơ bruă mkŏ mkra pui kmlă bi êran hŏng pil yang hrue lehanăn ai angĭn, čuăl mkă krĭng mă mnơ̆ng hlăm gŭ lăn.

K'iăng khua knŭk kna Nguyễn Hòa Bình mtă kơ jih jang phung bi ala hlăm êpul gơ̆ng kiă kriê krĭng lăn dap kngư, dŭm phŭn dhar bruă djăp alŭ wăl lŏ dơ̆ng ngă bruă pô bi kjăp hĭn, bi leh bruă kčah jao, boh nik lŏ mñă kươ êlan klông hlăk dôk dleh kpăk hlăm klei mkra mjing, kñămbi êdah klei tŭ dưn pioh kơ bruă mđĭ kyar duh mkra ala ƀuôn, mdrĭng hŏng bruă răng mgang kjăp klei êđăp ênang ti alŭ wăl lăn dap kngư./.