K’iăng Khua Knŭk kna Nguyễn Hòa Bình nao hlăm Klei bi kƀĭn bruă Đảng VNPT
Thứ ba, 10:26, 27/05/2025
Pô mblang: H’ Zawut Byă
Pô mblang: H’ Zawut Byă
VOV4.Êđê - Aguah 26/5, K’iăng Khua Knŭk kna Nguyễn Hòa Bình nao leh anăn blŭ hrăm hlăm knăm mphŭn pŏk Klei bi kƀĭn phung bi ala bruă đảng Êpul grup Dang Kông Việt Nam (VNPT) tal 25, wưng 2025–2030.
K’iăng Khua Knŭk kna čih yap klei đru mguôp êdah êdi mơ̆ng VNPT hlăm wưng êgao, boh nik bruă klam phŭn hlăm klei pŏk ngă Knŭk kna điện tử, bi mlih mrô ala čar leh anăn răng mgang klei dưi hlăm internet. Wăt tơdah tuôm hŏng lu klei dleh dlan hlăm ala čar leh anăn ala tač êngao, VNPT ăt bi mklă kơhưm hlăm bruă dang kông, kdrăp mrâo.
K’iăng Khua Knŭk kna Nguyễn Hòa Bình mtă kơ bruă Đảng VNPT lŏ dơ̆ng mđĭ lar ai tiê mlih mrâo mbruă, mđĭ ktang klei ksiêm hriăm, ba yua kdrăp mrâo, klei găl čiăng mjing boh kdrŭt mđĭ kyar êdah êdi. VNPT brei ba anăp hlăm klei hlue ngă Hdră mtrŭn 57 mơ̆ng Phŭn bruă kđi čar kơ klei mđĭ kyar kreh knhâo, kdrăp mrâo leh anăn mlih mrô ala čar.
Viết bình luận