K’iăng Khua knŭk kna Trần Hồng Hà bi tuôm hŏng lu khua gĭt gai Japon
Thứ bảy, 08:53, 04/03/2023
VOV TAYNGUYEN
VOV TAYNGUYEN
VOV4.Êđê- Tlam mbruê 3/3, hlăm klei kƀĭn trông Khua phŭn bruă yang ƀuôn kơ hnơ̆ng êwa čhŏ knar hŏng 0 Asi ti Tokyo, k’iăng Khua knŭk kna Trần Hồng Hà bi tuôm leh hŏng khua gĭt gai Hạ viện Hosoda Hiroyuki, bi tuôm hŏng Khua gĭt gai êpul hgŭm phung khua êmua bi hgŭm Japon – Việt Nam Nikai Toshihiro.
Hlăm klei bi tuôm hŏng khua gĭt gai Hạ Viện, k’iăng Khua knŭk kna Trần Hồng Hà yap yuôm bhăn klei đĭ kyar jăk siam hlăm djăp mta bruă mơ̆ng klei mjĕ giăm ƀĭng hgŭm bi mguôp hdră êlan kluôm êlam Việt Nam – Japon, mñă kơ khua gĭt gai Hạ viện Hosoda sa ai lŏ dơ̆ng mtrŭt mđĭ klei bi tuôm gưl dlông leh anăn dŭm gưl plah wah knŭk kna, Bruă kƀĭn ala, phung khua êmua mda asei plah wah 2 ala čar.
Mtrŭt mjhar knŭk kna Japon đru kơ Việt Nam hlăm bruă mđĭ kyar bruă mkŏ mkra, mđĭ kyar ai dưi, mlih pui kmlă mrâo, ăt msĕ hŏng bi mguôp hlăm bruă ksiêm duah klei kreh knhâo, ba jao kdrăp mrâo mrang leh anăn đru mguôp hlăm klei đĭ kyar kjăp.
Viết bình luận