Dua čô Khua knŭk kna bi trông leh anăn tŭ ư bi klă hdră êlan kluôm mđĭ kyar klei bi mguôp Việt Nam – Russia truh thŭn 2030, ăt msĕ mơh hdră êlan hlăm bruă tuh tia, bruă lŏ hma, mnia mblei, bruă mdrao mgŭn… dŭm hdră bhiăn djŏ tuôm hŏng klei bi mguôp hlăm bruă êa pui, êwa čuh leh anăn pui kmlă, hdră êlan bi mguôp hlăm bruă lŏ hma, ngă bruă rŭ mdơ̆ng sang hră gưl 3 Russia ti Hà Nội.

K’iăng Khua knŭk kna Trần Hồng Hà mñă kơ dua tĭng lŏ dơ̆ng rơ̆ng kơ klei blŭ hrăm, hmao mgaih msir dŭm klei dleh kpăk êjai ngă dŭm hdră êlan bi mguôp, ksiêm duah hdră êlan bi klă klei kuôl kă mlir knŭk kna hŏng dŭm mta bruă yuôm bhăn, mđing tal êlâo.