Hlăm mmông drông, K’iăng Khua knŭk kna bi mni leh anăn mơĭt asăp lač jăk kơ Knơ̆ng bruă Astra Zeneca đru leh yuôm bhăn hŏng Việt Nam hlăm hdră gang mkhư̆ klei ruă tưp Covid-19, đru hlăm klei gĭr msưh kdŭn klei ruă tưp kluôm rŏng lăn. Bi trông kơ hdră bruă pla 22 êklăk 5 êtuh êbâo ana kyâo mơ̆ng Astra Zeneca, K’iăng Khua knŭk kna čang hmăng Astra Zeneca hgŭm hlăm dŭm hdră bruă hlue ngă Net Zero, JET ti Việt Nam jing klei lông ngă kơ klei bhiăn kluôm rŏng lăn.

K’iăng Khua knŭk kna ăt bi trông kơ dŭm klei akâo mơ̆ng Êpul grŭp Astra Zeneca djŏ tuôm kơ hdră kčah mơ̆ng Việt Nam hŏng dŭm hnơ̆ng čuăn leh anăn boh sĭt hŏng lu ala čar hlăm bryă mkra mjing, lông ngă, mkăp brei hră mơar ba yua êa drao, kriê dlăng hdră bi mklă hnơ̆ng carbon dliê.