K’iăng khua knŭk kna mtă ti anôk bi kƀĭn, mđing hlak mblang lehanăn ksiêm bi nik boh klei kơ braih mkuê̆ ară anei hlăm tar rŏng lăn lehanăn hlăm ala čar pô. Lehanăn hlăm yang hrui êmiêt kreh lĕ nanao djŏ boh mnga luič ênoh, mâo ênoh mdiê amâo mâo djŏ boh mnga, ba nanao klei dleh dlan kơ mnuih ƀuôn sang. Mbĭt hŏng anăn, kăp ksiêm lehanăn mâo klei đăo knăl lehanăn bi mlih hdră êlan čhĭ mnia braih mkuê̆, brei mâo hdră êlan kjăp.

Lehanăn brei mâo hdră mă bruă kjăp nanao, đăm phưi tha tui si jing ôh, mđĭ kyar bruă mdiê braih   Việt Nam, đru mgang brei kơ mnuih pla mjing, čiăng kơ digơ̆ siă suôr hŏng bruă pla mjing mdiê. Tui si klei hâo mdah, klei čhĭ mnia mdiê braih hlăm ala čar dôk nanao hlăm klei hơĭt, hjăn thŭn 2024, Việt Nam mâo čhĭ kơ ala tač êngao êbeh 9 êklăk tôn hŏng ênoh mâo ba wĭt yuôm truh 5,75 êklai USD. Hlam 2 mlan akŏ thŭn, Việt Nam mâo čhĭ braih kơ ala tač êngao truh 1,1 êklăk tôn.