K’iăng Khua knŭk kna Trần Hồng Hà nao hlăm knăm bi hdơr 15 thŭn hruê mtrŭt mjhar klei hriăm Việt Nam
Thứ bảy, 00:00, 30/09/2023
VOV Tây Nguyên
VOV Tây Nguyên
VOV4.Êđê- Aguah mbruê 29/9, ti Hà Nội, Êpul mtrŭt mjhar klei hriăm hră mơar Việt Nam mkŏ mjing knăm bi hdơr Hruê mtrŭt mjhar klei hriăm Việt Nam (02/10/2008-02/10/2023) leh anăn mtrŭt mjhar hdră “Grăp čô mnuih ƀuôn sang čŏng hriăm, hriăm jih klei hdĭp, bi djăp ênŭm klei čuăn đĭ kyar kjăp hlăm wưng mlih mrô”.
K’iăng Khua lăn čar nao hgŭm hlăm knăm anei. 15 thŭn êgao, rup mtrŭt mjhar klei hriăm hră mơar ƀrư̆ hruê ƀrư̆ mngač hŏng dŭm klei tŭ jing mơ̆ng klei mtrŭt mjhar, amâo mâo mdei đĭ kyar, thŭn êdei hĭn kơ thŭn êlâo. Êpul mtrŭt mjhar klei hriăm mâo ênŭm leh ti dŭm să, ƀuôn hgŭm, wăl krah, alŭ ƀuôn hŏng êbeh 26 čô hgŭm.
Blŭ hlăm knăm bi hdơr, k’iăng Khua knŭk kna Trần Hồng Hà mñă: Čiăng kơ lăn čar mdrŏng ktang, anak mnuih jing yuôm bhăn hĭn. Hŏng tur knơ̆ng klei mlih mrô, mlih mtah, čiăng êdi klei čŏng hriăm, hriăm hlăm grăp čô mnuih ƀuôn sang, boh nik jing hriăm mbŏ klei kreh knhâo, mrâo mrang. Mbĭt anăn mñă kơ Phŭn bruă mtô mjuăt bi hriăm bi mguôp hŏng êpul mtrŭt mjhar klei hriăm bi klă hdră truh kơ grăp anôk bruă, gŏ sang.
Viết bình luận