Dua tĭng bi tŭ ư lŏ dơ̆ng mđĭ klei bi hgŭm mơ̆ng đưm leh anăn jăk siam mơ̆ng bruă mđĭ hĭn klei bi trông dŭm êpul, boh nik gưl dlông.

Dua khua gĭt gai lač dua ala čar lŏ mâo lu klei găl čiăng mđĭ klei bi hgŭm hlăm dŭm bruă mnia blei, bi liê, lŏ hma… bi tŭ ư bi trông êpul bruă duh mkra, bi hgŭm mkŏ mjing klei bi kƀĭn mđĭ bruă mnia blei, bi liê hlăm grăp ala čar hlăm wưng kơ anăp, mtrŭt mjhar leh anăn mjing klei găl kơ anôk bruă duh mkra dua tĭng mđĭ klei bi hgŭm, duh bi liê hlăm dŭm hdră bruă ti grăp ala čar. Čiăng pŏk ngă tŭ dưn dŭm hdră anei, dua tĭng bi tŭ ư mprăp jăk leh anăn hnưm mkŏ mjing klei bi kƀĭn tal 6 Knơ̆ng bruă bi hgŭm Việt Nam-Êjip; mđĭ bi leh jar hdră bhiăn kơ klei bi hgŭm lu mta plah wah dua ala čar./.