Hlăm ai êwa bi hgŭm leh anăn pŏk mlar, K’iăng Khua Knŭk kna Trần Lưu Quang hrăm mbĭt hŏng Khua bi ala Hùng Ba lŏ dlăng wĭt klei tŭ mơ̆ng klei bi hgŭm hdră bruă kluôm Việt Nam - China thŭn 2022 leh anăn ngă êlam hĭn klei bi trông kơ dŭm hdră mđĭ klei bi hgŭm dua nah hlăm wưng kơ anăp.

K’iăng Khua knŭk kna Trần Lưu Quang čang hmăng dua tĭng lŏ dơ̆ng mđĭ klei bi hgŭm, bi tuôm gưl dlông, mkŏ mjing jăk Klei bi kƀĭn tal 15 Knơ̆ng bruă  bi hgŭm Việt Nam - China, dŭm bruă mjĕ êrô, bi trông plah wah dua Đảng leh anăn plah wah dŭm phŭn, dhar bruă, êpul hgŭm, alŭ wăl dua ala čar. Mtă kơ dua tĭng mđĭ kyar bruă mnia blei dua nah hlue si klei mtăp mđơr…