Hlue si klei hâo hưn hlăm mmông mă bruă, wưng 2021-2025, dŭm čar Lăn Dap Kngư mâo gưl dlông jao êbeh 11.700 êklai prăk čiăng hlue ngă 3 hdră kñăm ala čar. Ênoh prăk anei mâo êbeh 11,73% ênoh bi liê mđĭ kyar mơ̆ng gưl dlông kơ 3 hdră bruă ala čar. Hjăn thŭn 2022, gưl dlông mkăp êbeh 3.878 êklai prăk leh anăn dŭm čar Lăn Dap Kngư dăp leh êbeh 870 êklai prăk alŭ wăl čiăng hlue ngă dŭm hdră bruă. Truh  31/12/2022, dŭm čar hlăm krĭng mrâo bi liê 34% ênoh prăl gưl dlông jao.

Mlan 1/2023, mâo leh 3 hlăm ênoh 5 čar mâo Kon Tum, Lâm Đồng, Dak Nông bi leh hdră mbha prăk bi liê hlăm thŭn. K’iăng Khua knŭk kna Trần Lưu Quang mtă kơ dŭm alŭ wăl hnưm bi leh bruă jao prăk bi liê, mtă kơ dŭm anôk bruă, phŭn bruă gưl dlông hlue ngă bruă ktuê dlăng, bi leh dŭm hnơ̆ng kčah adôk kƀah. K’iăng Khua knŭk kna mtă lŏ dơ̆ng mđĭ pral dŭm bruă dôk ngă, mđĭ ktang bruă bi hgŭm plah wah dŭm alŭ wăl leh anăn  phŭn bruă gưl dlông leh anăn bruă bi hgŭm hlăm dŭm anôk bruă mơ̆ng grăp alŭ wăl hlăm hdră hlue ngă./.