Klei kƀĭn dưi mkŏ mjing online mkŏ hŏng 14 čar krĭng kwar Dưr. K’iăng khua knŭk kna bi mni hdră pŏk ngă dŭm mta kñăm ala čar ti krĭng kwar Dưr. Boh sĭt brei ƀuh, ti anôk mâo bruă knŭk kna ngă bruă jăk ti anôk anăn bruă dưi hluê ngă pral lehanăn ba wĭt klei tŭ dưn, boh nik hlăm hdră ksiêm dlăng lehanăn pŏk ngă.

Kơ bruă ngăn prăk mkăp  mơ̆ng knŭk kna, K’iăng khua knŭk kna mtă kơ dŭm čar hlăm krĭng mâo mkăp leh prăk kơ 3 hdră bruă kñăm brei hluê ngă mtam lehanăn mkăp mbha jih ngăn prăk mơ̆ng thŭn 2022 kơ thŭn 2023, gĭr dưi mâo ƀiă êdi 90% ênoh prăk mơ̆ng thŭn 2023. K’iăng khua knŭk kna ăt mtă kơ dŭm alŭ wăl amâo duh bi liê mtŭk mtŭl ƀiădah mđing kơ bruă phŭn; mguôp dŭm prăk duh čiăng hluê ngă 3 mta kñăm ala čar mbĭt anăn mđĭ hdră tui ksiêm hriăm mơ̆ng dŭm alŭ wăl hlăm hdră pŏk ngă./.