Thŭn 2022, kluôm ala mâo 600 klei ngă soh hŏng klei êđăp ênang êlan êdeh phiơr, đĭ 400 klei ngă soh mkă hŏng thŭn 2021, ênoh klei hngah amâo mâo brei tuê mŭt hlăm ala čar đĭ ktang, boh nik mâo 2 klei bi mhŭi ngă măk ƀai. Ƀiădah dŭm klei ngă soh anăn dưi mgaih msir djŏ mmông, amâo mâo truh hnơ̆ng luč klei êđăp ênang hŏng klei ngă bruă mơ̆ng dhar bruă êdeh phiơr.

Bi klă hlăm klei kƀĭn, k’iăng Khua knŭk kna Trân Lưu Quang lač klă, bi klă rơ̆ng kjăp klei êđăp ênang êlan êdeh phiơr jing bruă klam kđi čar mrô 1. Kyuanăn, dŭm phŭn, dhar bruă, alŭ wăl srăng gĭr ktưn čiăng mđĭ boh tŭ bruă kriê dlăng, ktuê dlăng klei êđăp ênang. Mbĭt anăn hluê ngă dŭm hdră êlan kñăm rơ̆ng klei êđăp ênang, gang mkhư̆ klei ngă măk ƀai, bi rai bruă mkŏ mkra êlan êdeh phiơr.