Hlue si klei hưn mdah mơ̆ng Phŭn bruă mnuih mă bruă, hlue ngă dŭm Hdră mtrŭn mrô 18, 19 mơ̆ng gưl dlông kơ klei mlih mrâo dăp mnuih mă bruă hlăm bruă kđi čar, mơ̆ng thŭn 2021 truh ară anei, hrŏ leh 17 knơ̆ng bruă leh anăn êpul bruă bi knar; hrŏ 8 anôk bruă hlăm Dhar bruă leh anăn Phŭn bruă, hrŏ 7 knơ̆ng bruă leh anăn êbeh 2.100 adŭ bruă hlăm Knơ̆ng bruă sang čư̆ êa gưl čar, kdriêk; hrŏ giăm 7.500 anôk bruă knŭk kna, mâo 13,55 mkă hŏng thŭn 2016.

Truh jih thŭn 2021, bi leh hnơ̆ng kčah bi hrŏ mnuih mă bruă (hŏng phung mă bruă knŭk kna 10% leh anăn anôk bruă knŭk kna jing 11,6 % phung mă bruă dưi dưn prăk mlan mơ̆ng hdră knŭk kna đru). Klah čŭn mmông mă bruă, K’iăng Khua knŭk kna Trần Lưu Quang čih yap, bi mni kơ klei tŭ mơ̆ng Phŭn bruă kriê dlăng bruă knuă mâo leh mơ̆ng leh Klei bi kƀĭn Đảng tal 13 truh ară anei. Kơ dŭm klei blŭ mơ̆ng Phŭn bruă mnuih mă bruă, hlăm anăn mâo bruă Knŭk kna hnưm mâo klei blŭ kơ hdră mlih mrâo dăp anôk bruă knŭk kna leh anăn ba phung mă bruă kơ anôk mkăn./.