Ti Kđông kahan răng mgang knông lăn Phước Diêm, K’iăng Khua knŭk kna mơĭt asăp hơêč hmưi jăk siam hĭn kơ phung knuă druh, lĭng kahan dôk hlue ngă bruă klam. K’iăng Khua knŭk kna Trần lưu Quang mtă kơ phung knuă druh, lĭng kahan lŏ dơ̆ng gĭr ktưn, mđĭ lar hĭn dŭm klei tŭ dưn dưi mâo, lŏ dơ̆ng giăm mnuih ƀuôn sang, hdĭp ti alŭ wăl, răng mgang kjăp klei dưi lăn ala, klei êđăp ênang êlan ksĭ.

Nao čhưn hŏng amĭ Việt Nam jhŏng ktang Lê Thị Hự, ti să Cà Ná, kdriêk Thuận Nam, K’iăng Khua knŭk kna êmuh hrăm klei suaih pral leh anăn klei hdĭp ñu hruê, čang hmăng kơ ñu mâo klei suaih pral, hrăm mbĭt drông Tết êđăp ênang, jăk mơak. Leh anăn, K’iăng khua knŭk kna nao čhưn, mđup brei mnơ̆ng Tết kơ 200 čô mnuih mă bruă, phung mă bruă mâo klei hdĭp dleh dlan ti Knơ̆ng bruă Cánh Đồng Việt, ƀuôn prŏng Phan Rang./.