K’iăng Khua knŭk kna Trần Lưu Quang bi êdah klei hơ̆k mơak êjai hruê knăm jih jing mnuih ƀuôn sang răng mgang klei êđăp ênang lăn čar ti ƀuôn hgŭm An Lạc, wăl krah Ƀuôn Hồ dưi mprăk jăk, kdrưh kơăm hŏng lu mta bruă mơak mñai, iêo jak klei nao hgŭm mơ̆ng mnuih ƀuôn sang.

K’iăng Khua knŭk kna mtă, hlăm wưng kơ anăp, čar Dak Lak, hlăm anăn mâo ƀuôn hgŭm An Lạc čiăng lŏ hluê ngă jăk, djŏ hruê mmông, mâo klei tŭ dưn dŭm klei gĭt gai mơ̆ng gưl dlông kơ hdră jih jang mnuih ƀuôn sang răng mgang klei êđăp ênang lăn čar. Hluê anăn ba hdră anei nao êlam hĭn, klă klơ̆ng hĭn, bi lar boh tŭ dưn, mâo ai lar bra ktang hŏng dŭm hdră ngă bruă jăk. Mbĭt anăn, iêô jăk ai dưi mơ̆ng bruă kđi čar leh anăn jih jang mnuih ƀuôn sang čiăng răng mgang klei êđăp ênang, mkŏ mjing klei hdĭp êđăp ênang, yâo mơak kơ mnuih ƀuôn sang.