Klei kƀĭn anei mơ̆ng Êpul hgŭm phung mnia mblei leh anăn bruă tuh tia Việt Nam (VCCI) leh anăn adŭ bruă mnia mblei leh anăn tuh tia ti Japon bi mguôp mkŏ mjing.

Klei kƀĭn anei mâo boh tŭ dưn klă klơ̆ng bi hdơr 50 thŭn mkŏ mjing klei mjĕ giăm Việt Nam – Japon, pŏk kơ dŭm mta klei bi mguôp knơ̆ng  bruă 2 ala čar mơ̆ng VCCI bi mguôp hŏng ƀĭng hgŭm mơ̆ng Japon mkŏ mjing hlăm thŭn anei. Blŭ hlăm klei kbĭn, K’iăng Khua knŭk kna Trần Lưu Quang mñă klă, 2 ala čar dôk mâo lu klei găl bi mguôp, bi mbŏ hdơ̆ng pô, mđing truh 50 thŭn mkŏ mjing klei mjĕ giăm, 2 tĭng srăng hrăm mbĭt čiăng kơ klei mjĕ giăm 2 ala čar dưi mâo lu boh tŭ dưn hĭn hlăm bruă duh mkra. Hlăm wưng kơ anăp, 2 ala čar čiăng mtrŭt mđĭ klei bi mguôp duh bi liê, boh nik hlăm dŭm mta bruă tuh tia phŭn.