Blŭ ti knăm anei, K’iăng khua knŭk kna Trần Lưu Quang bi mni bruă klam mơ̆ng Knăm rang čhĭ mnơ̆ng dhơ̆ng China – Dhŭng Asi lehanăn Knăm rang čhĭ mnơ̆ng dhơ̆ng Côn Minh hlăm hdră đru kơ anôk bruă duh mkra Ngŏ Dhŭng Asi, Dhŭng Asi tui duah klei găl bi hgŭm duh bi liê, mđĭ hdră bi trông bruă mnia mblei, mtrŭt mđĭ hdră duh mkra, mnia mblei, msir mghaih klei dleh dlan, ƀrư̆ lŏ krŭ wĭt bruă duh mkra êdei kơ klei ruă Covid 19.

K’iăng khua knŭk kna bi mni bruă klam mơ̆ng čar Vân Nam hlăm hdră bi hgŭm hŏng Việt Nam lehanăn dŭm ala čar ASEAN, hŏng klei bhiăn hgŭm bruă dôk mâo, mtă kơ Knŭk kna China lehanăn čar Vân Nam lŏ dơ̆ng mđing, mtrŭt mđĭ hdră bi hgŭm kluôm hlăm bruă duh mkra mnie mblei, hiu čhưn ênguê plah wah čar Vân Nam hŏng dŭm alŭ wăl ti Việt Nam./.