Êpul grŭp Sunny mơ̆ng China thơ̆ng kơ bruă mkra mjing dŭm mta mnơ̆ng djŏ tuôm hŏng đĭng blŭ, kdrăp yua leh điện tử leh anăn kdrăp ksiêm dlăng. Hlăm mmông tŭ drông, k’iăng Khua knŭk kna Trần Lưu Quang mñă klă, Êpul grŭp Sunny čuăn ruah duh bi liê ti Thái Nguyên jing klei bi klă djŏ, kyua anei jing čar mâo lu klei hriăm hlăm bruă tŭ mă dŭm kdrăp mrâo mrang.

K’iăng Khua knŭk kna Trần Lưu Quang hmăng hmưi êpul grŭp lŏ dơ̆ng duh bi liê hdră mrâo mrang ti Việt Nam, hlăm anăn mâo čar Thái Nguyên čiăng mkŏ mjing sa wăl Sunny ti Việt Nam. Tŭ drông êpul mtrŭt mđĭ bruă duh mkra Kyushu, Japon, k’iăng Khua knŭk kna Trần Lưu Quang hơêč hmưi kơ êpul mrâo ba yua anôk bruă hưn mdah Kyushu ti Hà Nội, anei jing kdrông mkŏ mâo boh tŭ dưn hluê ngă klei bi hmô mơ̆ng krĭng Kyushu leh anăn Việt Nam. Bi kơ bruă mtô mjuăt mnuih mă bruă, k’iăng Khua knŭk kna Trần Lưu Quang brei thâo, mnuih ƀuôn sang mâo klei kreh kriăng, kyuanăn bi mguôp hlăm bruă nai êa drao jing klă sĭt hĭn.