Tŭ drông aduôn Marisa Lago hriê čuă Việt Nam, k’iăng Khua knŭk kna Trần Lưu Quang mñă klă, Việt Nam hmăng hmưi mtrŭt mđĭ klei mjĕ giăm 2 ala čar ƀrư̆ hruê ƀrư̆ klă sĭt, kluôm ênŭm hĭn.

K’iăng Khua knŭk kna mñă kơ k’iăng khua phŭn bruă mnia mblei Mi đru mkŏ phung duh bi liê mơ̆ng Mi, boh nik hlăm dŭm mta bruă mrâo mrang, mkra mjing hŏng kdrăp mrâo, nao hgŭm duh bi liê kơ Việt Nam, mñă kơ 2 ala čar ksiêm dlăng klei bi mguôp hlăm dŭm mta bruă kah mbha klei thâo, klei hâo hưn, hdră êlan djŏ tuôm hŏng bruă mlih mrô, mđĭ ai dưi leh anăn klei thâo mrô kơ êpul mnuih mă bruă hlăm leh anăn êngao knŭk kna. K’iăng Khua knŭk kna mñă klă, Việt Nam srăng čŏng pô bi mguôp hŏng Mi čiăng mghiah msir dŭm klei uêñ mĭn mơ̆ng 2 ala čar, krơ̆ng kơ klei mnia mblei hơĭt,  mđĭng truh kơ klei bi kna, kjăp leh anăn hrăm mbĭt mâo boh tŭ.