K’iăng khua knŭk kna Vũ Đức Đam kiă kriê Klei kƀĭn Anôk gĭt gai mlir dhar bruă gưl dlông kơ klei doh êƀăt mnơ̆ng dhơ̆ng
Thứ tư, 10:27, 28/12/2022
VOV TAYNGUYEN
VOV TAYNGUYEN
VOV4.Êđê- Hruê 27/12, K’iăng khua knŭk kna Vũ Đức Đam kiă kriê Klei kƀĭn Anôk gĭt gai mlir dhar bruă gưl dlông kơ klei doh êƀăt mnơ̆ng dhơ̆ng.
Klei hưn mơ̆ng Phŭn bruă mdrao mgŭn brei thâo, thŭn 2022, anôk kriê dlăng klei doh êƀăt mnơ̆ng dhơ̆ng lŏ dơ̆ng bi leh klei bhiăn, mtrŭt mđĭ hdră mtô mblang, mđĭ klei hluê ngă hdră bhiăn mơ̆ng dŭm anôk bruă pla mjing. Khă snăn, mơ̆ng hdră ksiêm dlăng, ăt ƀuh dŭm pluh êbâo anôk bruă ngă soh, msir mghaih leh êbeh 7.600 anôk bruă, hŏng ênoh đŭ bi kmhal êbeh 75 êklai prăk.
Blŭ klah čŭn ti knăm anei, K’iăng khua knŭk kna mtă kơ Phŭn bruă mdrao mgŭn lŏ mđĭ hdră mtô mblang, ksiêm dlăng ti dŭm sang mnia, anôk čhĭ mnơ̆ng čiăng hmao ƀuh dŭm mta mnơ̆ng amâo doh êƀăt čiăng mâo klei hưn brei răng lehanăn msir mghaih./.
Viết bình luận