Hlăm mmông mă bruă hŏng Khua Êpul gơ̆ng ƀuôn prŏng Maputo,  Khua hlăm Phŭn bruă kđi čar Đảng Frelimo mâo klei dưi kiă kriê Eneas Comiche, K’iăng Khua lăn čar Võ Thị Ánh Xuân mñă klă ƀuôn prŏng phŭn Maputo mơ̆ng Mozambique mâo lu klei bi mguôp êlam hŏng Việt Nam, jing anôk mâo êlan Hồ Chí Minh, bi knăl kơ klei hdĭp bi hgŭm siă suôr, bi mguôp plah wah dua djuê ana.

Dua tĭng bi tŭ ư mđĭ klei bi trông êpul, ba klei bi hgŭm dua nah êlam hĭn, tŭ dưn hĭn, kah mbha klei thâo mkŏ mjing ƀuôn prŏng hlue hdră mlih mrâo, klei thâo kriê dlăng ƀuôn prŏng leh anăn wăl ƀuôn prŏng. Leh klei bi tuôm, K’iăng Khua lăn čar Võ Thị Ánh Xuân leh anăn Khua Êpul gơ̆ng ƀuôn prŏng Maputo hrăm mbĭt nao hlăm knăm ba yua anăn mrâo leh anăn myơr mnga ti êlan Hồ Chí Minh.