Leh knăm drông, K’iăng khua lăn čar bi tuôm leh hŏng anak êkei mtao lehanăn mô̆ ñu. Hlăm ai êwa bi mjĕ mjuk, K’iăng khua lăn čar bi êdah klei m’ak dưi drông anak êkei mtao lehanăn mô̆ ñu djŏ hlăm wưng dua ala čar bi hdơr 50 thŭn hruê mkŏ mjing klei bi mjĕ (21/9/1973 - 21/9/2023); bi êdah klei đăo knang kơ gưl hiu čhưn anei srăng jing gru kruăk yuôm bhăn, đru mđĭ klei thâo săng lehanăn klei khăp plah wah mnuih ƀuôn sang dua ala čar, mơ̆ng anăn mđĭ hĭn klei bi mjĕ ƀĭng hgŭm kluôm Việt Nam – Japon truh ti hnơ̆ng mrâo hlăm wưng ti anăp.

Anak êkei mtao Akishino lač jăk klei tŭ drông jăk siam, bŏ hŏng klei khăp, h’uh mđao mơ̆ng phung khua lehanăn mnuih ƀuôn sang Việt Nam, mñă Việt Nam jing ƀĭng hgŭm jĕ giăm đăo knang lehanăn hrăm mbĭt, sa ai hŏng Japon mbĭt anăn mñă srăng gĭr mkŏ mjing klei bi mjĕ hgŭm bruă jăk siam kluôm dhuôm hĭn plah wah dua ala čar hlăm wưng ti anăp./.