K’iăng Khua lăn čar Võ Thị Ánh Xuân nao hgŭm leh anăn blŭ hlăm mmông bi tuôm. Bi ala kơ khua gĭt Đảng, knŭk kna leh anăn mnuih ƀuôn sang Việt Nam, k’iăng Khua lăn čar Võ Thị Ánh Xuân lač klă, thŭn 2023 mâo boh tŭ dưn yuôm bhăn hŏng Việt Nam, jing thŭn kruăk knăl hluê ngă hdră mđĭ kyar bruă duh mkra – ala ƀuôn 5 thŭn 2021 – 2025.

Việt Nam lŏ dơ̆ng ngă tal êlâo bruă ksiêm dlăng klei ruă tưp, rơ̆ng hơĭt bruă duh mkra hnơ̆ng prŏng, mtrŭt mđĭ klei đĭ kyar. Mtrŭt mđĭ klei mlih mrâo, mmlih mrô, mđĭ kyar mtah, răng mgang wăl hdĭp mda, mdrơ̆ng hŏng klei mlih yan adiê. K’iăng Khua lăn čar đăo knang, hŏng tur knơ̆ng klei mjĕ giăm jăk siam hlăm dŭm thŭn êgao, dŭm anôk bruă bi ala bruă hŏng tač êngao, dŭm êpul êya tar rŏng lăn leh anăn dŭm êpul êya êngao knŭk kna srăng lŏ bi mguôp kjăp hŏng Việt Nam, kyua klei đĭ kyar kjăp, mdrŏng sah, yâo mơak mơ̆ng Việt Nam, ăt msĕ hŏng djăp ala čar, djuê ana dlông rŏng lăn.