Êpul êya mnuih Việt Nam ti Mozambique ară anei mâo hlăm brô 200 čô, hdĭp mda, mă bruă hơĭt kjăp hlăm dŭm mta bruă msĕ si mnia blei, dang kông, sang hră, mdrao mgŭn leh anăn phung hđeh sang hră, sinh viên.  K’iăng Khua lăn čar hâo hưn kơ boh klei kđi čar, bruă duh mkra, ala ƀuôn, kơrŭ wĭt êdei klei ruă tưp Covid-19 hlăm ala čar hlăm wưng êgao, hâo hưn kơ boh tŭ mơ̆ng gưl nao čhưn klă sĭt ti Mozambique hlăm dŭm klei bi trông hŏng Khua knŭk kna Mozambique, bi tuôm hŏng Khua mil čhil leh anăn Khua bruă kƀĭn ala Mozambique, bi tuôm hŏng Khua gĭt gai Đảng mâo klei dưi Frelimo, bi ala kơ dŭm anôk bruă duh mkra Mozambique.

K’iăng Khua lăn čar mñă klă Đảng, knŭk kna mđing dlăng kơ êpul êya mnuih Việt Nam ti ala tač êngao, hlăm anăn mnuih ala čar drei ti Mozambique; bi mni kơ êpul êya Việt Nam ti Mozambique bi hgŭm, bi đru hơĭt klei hdĭp mda, ñŭ kma jăk hlăm ala ƀuôn tinăn.