Bi êdah klei mgei ai tiê dưi bi tuôm hŏng phung bi ala kơ mnuih mâo klei đru mguôp êdah êdi, K’iăng khua lăn čar Võ Thị Ánh Xuân lač klă, hlăm wưng êgao, Đảng, Knŭk kna bi mklă, bruă kriê dlăng kơ phung mâo ai krŭ kdơ̆ng jing bruă klam kđi čar yuôm bhăn; mâo klei mđing dlăng kơ bruă kriê dlăng phung mâo ai krŭ kdơ̆ng.

K’iăng khua lăn čar mtă kơ čar An Giang lŏ dơ̆ng mđĭ lar klei dưi hlăm čar leh anăn ti êngao čiăng ngă jăk bruă klam kđi čar mơ̆ng Hdră mtrŭn Klei bi kƀĭn XI bruă Đảng čar kčah leh, mđĭ kyar bi jăk bruă duh mkra, mtô bi hriăm, dhar kreh čiăng kơ klei hdĭp mnuih ƀuôn sang trei mđao, jăk mơak, dưi dưn klei tŭ dưn mđĭ kyar lăn čar, alŭ wăl.