K’iăng Khua lăn čar Võ Thị Ánh Xuân lač klă, Việt Nam dlăng nanao UNICEF msĕ si ƀĭng hgŭm mđĭ kyar yuôm bhăn snăk, mâo lu klei đru mguôp klă sĭt kơ bruă kriê dlăng, mtô bi hriăm leh anăn răng mgang phung hđeh Việt Nam hlăm dŭm pluh thŭn êgao.

K’iăng Khua lăn čar brei thâo, bruă kriê dlăng, răng mgang leh anăn mtô bi hriăm phung hđeh jing klei mđing mrô sa hlăm hdră êlan mđĭ kyar Việt Nam. Čang hmăng hlăm wưng kơ anăp, UNICEF mđĭ klei găl đru kơ bruă răng mgang leh anăn kriê dlăng phung hđeh Việt Nam, hlue ngă Hdră kñăm mđĭ kyar kjăp djŏ tuôm kơ phung hđeh, boh nik bruă mtô bi hriăm, kriê dlăng klei suaih pral kơ phung hđeh, mnơ̆ng tŭ jăk kơ phung hđeh, đru Vaccin kơ Hdră tlŏ mgang pŏk mlar, rơ̆ng mtăp mđơr êkei mniê.