Blŭ hrăm hlăm mmông mă bruă, K’iăng Khua lăn čar Võ Thị Ánh Xuân mñă klă, Việt Nam dlăng myuôm bruă mkra mđĭ leh anăn mđĭ klei bi hgŭm mtăp mđơr, hdơ̆ng mâo klei tŭ dưn hŏng dŭm ala čar, hlăm anăn mâo dŭm ala čar, dŭm êpul bruă lu ala čar mơ̆ng phung Khua bi ala, phung khua bi ala dŭm êpul bruă lu ala čar.

Gưl anei, bi ala kơ Knŭk kna leh anăn mnuih ƀuôn sang Việt Nam, K’iăng Khua lăn čar mơĭt klei bi mni kơ knŭk kna leh anăn mnuih ƀuôn sang dŭm ala čar, dŭm êpul bruă lu ala čar nao ai, bi hgŭm leh anăn đru kơ Việt Nam hlăm wưng êgao. Bi ala kơ phung khua bi ala, khua bi ala dŭm êpul bruă lu ala čar ti Việt Nam, Samina Naz, Khua bi ala Bangladesh ti Việt Nam brei thâo, mđup brei klei dưi kơ phung mniê leh anăn hđeh mniê jing bruă klam mbĭt. Hruê phung mniê dlông rŏng lăn jing klei găl čiăng kơ dŭm ala čar lŏ dlăng wĭt dŭm klei ƀuăn rơ̆ng anei, ăt msĕ mơh klei tŭ dưn, lông dlăng êdei anăp./.