Hlăm ai êwa hơ̆k m’ak mơ̆ng Têt trung thu, K’iăng khua lăn čar Võ Thị Ánh Xuân mbĭt hŏng Êpul mă bruă lehanăn phung khua čar Dak Lak nao hgŭm leh hlăm dŭm bruă mâo: Hiu čhưn, tui ksiêm dŭm klei hlăp djuê ana, mkra pui hruh, dlăng kdŏ anak rai lehanăn dlăng klei kdŏ mmuñ ti mlam m’ak mlan pŭr.

Ƀri gưl anei, K’iăng khua lăn čar mđup brei leh 270 hnư prăk đru hriăm hră, 120 boh êdeh wai jơ̆ng kơ phung hđeh mâo klei hdĭp dleh dlan, 1 boh sang kơ phung hđeh êrĭt êrin lehanăn 1.500 hnư mnơ̆ng truh 1 êklai prăk. K’iăng khua lăn čar čang hmăng, hlăm wưng ti anăp, dŭm anôk bruă, êpul êya hŏng hdră ngă klă sĭt, klei hgŭm kngan mơ̆ng anôk bruă kđi čar, êpul êya duh mkra lehanăn kluôm yang ƀuôn lŏ dơ̆ng mđing dlăng, đru mđĭ ai phung hđeh mâo klei hdĭp dleh dlan lehanăn dlăng anei jing bruă klam phŭn, sui thŭn./.