K’iăng khua lăn čar Võ Thị Ánh Xuân mđup brei anăn knăl lĭng kahan yang ƀuôn jhŏng ktang kơ Êpul hgŭm bruă mniê kahan alŭ wăl 5
Thứ ba, 00:00, 07/03/2023
VOV Tây Nguyên
VOV Tây Nguyên
VOV4.Êđê- Aguah mbrue (6/3), ti ƀuôn prŏng Đà Nẵng, Êpul hgŭm bruă mniê gưl dlông Việt Nam mkŏ mjing leh klei mđup brei anăn knăl lĭng kahan yang ƀuôn jhŏng ktang kơ êpul hgŭm bruă mniê kahan alŭ wăl 5.
K’iăng khua lăn čar Võ Thị Ánh Xuân nao lehanăn mđup brei anăn knăl yuôm bhăn anăn. Bi ala kơ Đảng, knŭk kna k’iăng khua lăn čar mpŭ mni kơ dŭm bruă knuă, ai tiê klei mĭn, lehanăn klei săn asei mlei prŏng prĭn mơ̆ng dŭm gưl phung mniê hlăm kahan alŭ wăl 5, mơ̆ng klei bi blah hlŏng truh kơ ênuk êđăp ênang đru bi răng mgang lăn čar.
Anăn knăl mâo mđup brei anei jing yuôm bhăn kñăm mđĭ ai kơ phung dôk hdĭp lehanăn hdơr knga kơ mnuih leh djiê. K’iăng khua lăn čar mñă, anei jing klei myưng m’ang, jing boh kdrŭt mđĭ ai phung mniê Việt Nam lehanăn êpul hgŭm bruă mniê./.
Viết bình luận