Aguah 14/4, Khua hlăm bruă Đảng gưl dlông, K’iăng Khua lăn čar Võ Thị Ánh Xuân mbĭt hŏng êpul bi ala mơ̆ng Adŭ bruă Khua lăn čar, khua gĭt gai čar Bến Tre nao čhưn, mđup brei mnơ̆ng kơ dŭm gŏ sang mâo ai hŏng lăn čar ti kdriêk Giồng Trôm leh anăn Ba Tri, čar Bến Tre.  Nao čhưn hŏng gŏ sang ayang K’iăng Khua knŭk kna hđăp Trương Vĩnh Trọng,  K’iăng Khua lăn čar leh anăn êpul mă bruă čuh leh brui mngưi bi hdơr kơ phung knuă druh, đảng viên, khua gĭt gai jĕ giăm hŏng mnuih ƀuôn sang.

K’iăng Khua lăn čar Võ Thị Ánh Xuân êmuh hrăm, hơêč hmưi klei suaih  pral kơ Hồ Công Cẩn mô̆  K’iăng Khua knŭk kna hđăp Trương Vĩnh Trọng leh anăn gŏ sang mâo klei jăk mơak. Ăt hlăm hruê, K’iăng Khua lăn čar Võ Thị Ánh Xuân leh anăn êpul mă bruă nao čhưn, mđup brei mnơ̆ng kơ amĭ Việt Nam jhŏng ktang Phan Thị Ren,  ti alŭ Nhơn Quới, să Mỹ Nhơn, kdriêk Ba Tri. K’iăng Khua lăn čar êmuh hrăm klei suaih pral leh anăn hơêč hmưi kơ amĭ hdĭp mơak hŏng gŏ sang, anak čô./.