Ƀri gưl mă bruă ti čar Bến Tre, tlam 13/4, K’iăng Khua lăn čar Võ Thị Ánh Xuân nao čhưn, mđup brei mnơ̆ng kơ gŏ sang knŭk kna dlăng ba, gŏ êsei ƀun leh anăn phung hđeh mâo klei hdĭp dleh dlan ti kdriêk Mỏ Cày Nam (čar Bến Tre) – ƀuôn sang mơ̆ng hdră Đồng Khởi 1960. K’iăng Khua lăn čar Võ Thị Ánh Xuân êmuh hrăm kơ klei hdĭp mda mnuih ƀuôn sang alŭ wăl leh anăn bi êdah klei mơak leh ƀuh ƀuôn sang tinei đĭ kyar.

K’iăng Khua lăn čar Võ Thị Ánh Xuân mtrŭt phung knuă druh leh anăn mnuih ƀuôn sang Bến Tre, kdriêk Mỏ Cày Nam lŏ dơ̆ng mđĭ lar knhuah gru jhŏng ktang mơ̆ng krĭng ƀuôn sang cách mạng” mơ̆ng hdră Đồng Khởi hlăk đưm, hlăm bruă mkra mjing, mđĭ kyar ƀuôn sang ƀrư̆ hruê mdrŏng sah jăk siam. Gưl anei, K’iăng Khua lăn čar mđup brei leh 50 hnư mnơ̆ng kơ phung hđeh sang hră mâo klei hdĭp dleh dlan leh anăn 10 boh sang klei khăp kơ dŭm gŏ sang knŭk kna dlăng bat i kdriêk Mỏ Cày Nam, čar Bến  Tre./.