K’iăng khua lăn čar truh kơ să Pờ Y, kdriêk Ngọc Hồi, kiă kriê knăm kkuh hla čhiăm gru ti gơ̆ng knông lăn Việt Nam-Lào-Campuchia. Ƀri wưng anei, k’iăng khua lăn čar mđup brei mnơ̆ng kơ phung knuă druh lĭng kahan kđông răng mgang knông lăn ti ƀăng jang knông lăn Bờ Y, čih pioh dŭm klei gĭrr mơ̆ng kahan răng mgang knông lăn hlăm bruă răng mgang klei dưi êngiê, lehanăn klei êđăo ênang ti knông lăn.

K’iăng khua lăn čar nao čuă, mđup brei mnơ̆ng kơ êpul khua kiă kriê anôk bruă mŭt kƀiă ti ƀăng jang knông lăn Bờ Y. Ti Sang dhar kreh hgŭm mbĭt knông lăn Việt Nam-Lào-Campuchia ti să Pờ Y, kdriêk Ngọc Hồi, K’iăng khua lăn čar mđup brei mnơ̆ng kơ 30 gŏ sang knŭk kna dlăng ba, 30 gŏ sang ƀun, lehanăn 30 čô hđeh dôk hlăm klei dleh dlan. Blŭ hrăm hŏng phung knuă druh čar  Kon Tum lehanăn mnuih ƀuôn sang să Pờ Y, kdriêk Ngọc Hồi, k’iăng khua lăn čar Võ Thị Ánh Xuân čih pioh dŭm klei đru mguôp, klei gĭr mơ̆ng bruă Đảng, bruă sang čư̆ êa, lĭng kahan lehanăn mnuih ƀuôn sang čar Kon Tum hlăm klei bi blah kyua klei êđăp ênang, rŭ mdơ̆ng ƀuôn sang lăn čar./.