Nao hlăm knăm mâo K’iăng Khua lăn čar Võ Thị Ánh Xuân, khua dŭm phŭn, dhar bruă gưl dlông hŏng phung bi ala Êpul bi hgŭm leh anăn Êpul hgŭm Việt Nam - Singapore.  Hlăm knăm bi hdơr, phung bi ala hrăm mbĭt bi hdơr klei bi hgŭm 50 thŭn êgao plah wah Việt Nam leh anăn Singapore. Leh 50 thŭn, truh ară anei, klei bi hgŭm dua ala čar ƀrư̆ kjăp leh anăn mâo lu mta bruă.

Klei bi hgŭm bruă mnia blei leh anăn duh bi liê dưi mâo klei tŭ năng yap. Blŭ hrăm hlăm knăm bi hdơr, K’iăng Khua lăn čar Võ Thị Ánh Xuân bi mklă: Dưi lač klei bi hgŭm Việt Nam - Singapore  jing sa gru hmô tŭ jing, hlăm klei bi hgŭm dua nah, lu tĭng. Klei bi đăo knang mjing tur knơ̆ng mđĭ klei bi hgŭm êlam, klă sĭt hlăm lu mta bruă.